Bula de Inocêncio VIII dirigida a Tiago Peres, reitor de S. Pedro de Penalva, diocese de Viseu

Transcrição

Innocentius episcopus servus servorum Dei. Dilectis filiis archidiacono de Huete Conchensis et Johanni Egidii canonico Ulixbonensis ecclesiarum ac officiali Ulixbonensis. Salutem et apostolicam benedictionem. Vite ac morum honestas aliaque laudabilia probitatis et virtutum merita superquibus dilectus filius Jacobus Petri prebiter Colimbriensis diocesis apud nos fidedigno comendatur testimonio nos inducunt ut sibi reddamur ad gratiam liberales. Exhibita si quidem nobis nuper pro parte dicti Jacobi peticio continebat quod alias parrochiali ecclesia Sancti Petri de Penalva Visensis diocesis que de iure patronatus dilecti filii nobilis viri Johannis comitis de Montesancto existit et quam quondam Petrus de Tayde ipsius ecclesie rector dum viveret obtinebat per obitum eiusdem Petri qui extra romana curiam diem clausit extremum vacante prefatus Johannes comes verus illius patronus et existens in possessione seu quasi iuris patronatus huiusmodi et presentandi personam ydoneam ad dictam ecclesiam dum pro tempore vacat prefatum Jacobum ad ecclesiam ipsam ut premittitur vacantem venerabili fratri meo moderno episcopo Visensis infra tempus debitum presentavit sed ipse episcopus nescitur quo spiritu ductus eundem Jacobum ad presentacionem huiusmodi in rectorem dicte ecclesie instituere saltem tacite denegavit. Cum autem sicut eadem peticio subiungebat prefatus Jacobus dubitet presentacionem huiusmodi ex certis causis iuribus non subsistere et sicut accepimus dicta ecclesia ad huc ut premittitur vacare noscatur. Nos eidem Jacobo premissorum meritorum suorum intuitu specialem gratiam facere volentes ipsiumque Jacobum a quibus cunque excomunicationis suspensionis et interdicti aliisque ecclesiasticis sententiis censuris et penis a iure vel ad homine quavis occasione uel causa latis si quibus quomodolibet innodatus existit ad effectum presentium dum taxat consequendum harum serie absolventes et absolutum fore censentes necnon omnia et singula beneficia ecclesiastica cum cura et sine cura que dictus Jacobus etiam ex quibusvis apostolicis dispensationibus obtinet et expectat ac in quibus et ad que ius sibi quomodolibet competit quecunque quotcunque et qualiacunque sint eorumque fructuum reddituum et proventuum veros valores annuos ac huiusmodi dispensationum tenores presentibus pro expressis habentes discretioni vestre per apostolica scripta mandamus quatinus vos vel duo aut unus vestrum per vos vel alium seu alios ecclesiam predictam cuius et illi annexorum fructus redditus et proventus ducentarum quinquaginta librorum Turonensis parvorum secundum comunem extimationem valorem annuum ut dictus Jacobus asserit not excedunt sive ut premittitur sive alias quovismodo aut ex alterius cuiuscunque persona seu per liberam resignationem dicti Petri aut cuius vis alterius de illa extra dictam curiam etiam coram notario publico et testibus sponte factam aut constitucionem felicis recordationis Johannis Pape XXII predecessoris nostri que incipit execrabilis vel assecutionem alterius beneficii ecclesiastici ordinaria auctoritate collati vacet etiam si tanto tempore vacaverit quod eius collatio iuxta Lateranensis statuta Concilii ad Sedem Apostolicam legitime devoluta ipsaque ecclesia dispositioni apostolice specialite reservata existat et super ea inter aliquos lis cuius statum presentibus(1) haberi volumus pro expresso pendeat indecisa dummodo tempore dant presentium non sit in ea alicui specialiter ius quesitum cum annexis huiusmodi ac omnibus iuribus et pertinentiis suis prefato Jacobo auctoritate nostra conferre et assignare curetis inducentes eum vel procuratorem suum eius nomine in corporalem possessionem ecclesie et annexorum iuriumque et pertinentiarum predictorum et defendentes inductum a moto exinde quolibet illicito detentore ac facientes eidem Jacobo de ecclesie et annexorum eorumdem fructibus redditibus proventibus iuribus et obventionis universis integre responderi contradictores auctoritate nostra appellatione postposita compescendo. Non obstantibus bone memorie Bonifacii Pape VIII etiam predecessoris nostri et aliis apostolicis constitucionibus contrariis quibuscunque aut si aliqui super provisionibus sibi faciendis de huiusmodi vel aliis beneficiis ecclesiasticis in illis partibus speciales vel generales dicte sedis vel legatorum eius litteras impetrarint etiam si per eas ad inhibitionem reservationem et decretum vel alias quomodolibet sit processum quibus omnibus prefatum Jacobum in ecclesie et annexorum predictorum assecutione volumus anteferri sed nullum per hoc eis quo ad assecutionem beneficiorum aliorum prejudicium generari seu si episcopo Visensis pro tempore existenti vel quibusvis aliis comuniter vel divisim ab eadem sit sede indultum quod ad receptionem vel provisionem alicuius minime teneantur et ad id compelli aut quod interdici suspendi vel excomunicari non possint quodque de huiusmodi vel aliis beneficiis ecclesiasticis ad eorum collationem provisionem presentacionem seu quamvis aliam dispositionem conjunctim vel separatim spectantibus nulli valeat provideri per litteras apostolicas non facientes plenam et expressam ac de verbo ad verbum de indulto huiusmodi mentionem et qualibet alia dicte sedis indulgentia generali vel speciali cu[iu]s[cun]que tenoris existat per quam presentibus non expressam vel totaliter non insertam effectus huiusmodi gratie impediri valeat quomodolibet vel differri et de qua cuiusque toto tenore habenda sit in nostris litteris mentio specialis. Nos enim ex nunc irrituro decernimus et inane si secus super hiis a quoquam quavis auctoritate scienter vel ignoranter contigerit attemptari. Datum Rome apud Sanctum Petrum Anno Incarnationis Dominice millesimo quadringentesimo octuagesimo quinto, quartodecimo kalendas Martii, pontificatus nostri anno secundo.

(Teve selo pontifício de que só resta uma parte das suspensões.)

(1) Segue-se uma palavra que foi rasurada tendo o copista feito uns “desenhos” por cima do rasurado.