Instituição de Gonçalo Lourenço de Aves como reitor de S. Miguel de Papízios (diocese de Viseu)

Transcrição

Franciscus Dei et apostolice sedis gratia episcopus Putheolanus in Portugalis et Algarbii regnis nuntius apostolicus per sedem apostolicam specialiter deputatus. Dilecto nobis in Christo Gonsalvo Laurentii de Avis Elborensis diocesis salutem in Domino. Oblata nobis tue supplicationis petitio continebat quod vacante olim parrochiali(1) ecclesia Sancti Michaelis de Papizeos Visensis dioceses de iure et de facto per obitum Johannis Nuni rector eiusdem fuit provissum de eadem auctoritate ordinaria ad presentationem priore et conventus monasterii Sancte Cruce Colimbriensis cuidem Gonsalvo Gonsalvi dicto clerico qui quidem Gonsalvus Gonsalvi non se fecit ut debuit infra tempus debitum seu a iure statutum ad omnis sacros et presbiteratus ordines promoveri et sic dicta ecclesia vacante de iure qua sic vacavit prelati qui pro tempore fuerunt et obnegligentiam patronorum ipsius collationem seu provisionem dicte ecclesie Sancti Michaelis tanto tempore facere distulerunt quod eius collatio et provisio secundum Lateranensis Statuta Concilii extitit ad sedem apostolicam legitime devolute. Quarum nobis humiliter supplicasti quate dictam ecclesiam sic vacante et ob causam predictam(2) ad apostolicam sedem legitime devolutam cuius fructus redditus et proventus quadraginta florenorum auri secundum taxationem decime valorem annuum non excedunt auctoritate apostolica tibi conferre et de ea etiam providere misericorditer digraremur. Nos autem attendentes tue probitate viteque honestatem et virtutum merita super quibus apud fidedigno comendare testimonio quod omnia nos inducunt ut tibi reddamur ad gratiam liberales et cum nos super huiusmodi provisionibus recepimus litteras a sanctissimo in Christo patre et domino nostro domino Bonifatio divina providencia papa nono quarum tenor per omnia tale est.
Bonifatius episcopus servus servorum Dei venerabili fratri Francisco episcopo Putheolano apostolice sedis nuncio salutem et apostolica benedictione. Cum te ad Portugalie et Algarbii regna pro nonnullis nostris et Romane Ecclesie arduis negotiis presentialiter destinemus. Nos volendo illa tibi concedere per que aliis possis gratiam impertire fraternitati tue conferendi auctoritate nostra postquam infra terminos dictorum regnorum fueris et non ante ac huiusmodi negotiorum persecutione durante quemcumque beneficia ecclesiastica in ipsis regnis consistentia quorum collatio est ad sedem apostolicam secundum Lateranensis Statuta Concilii legitime devoluta nec vacantia etiam si canonicatus et prebenda dignitate personatus vel officia et etiam si huiusmodi dignitates in cathedralibus post pontificales maiores et in collegiate ecclesiis principalis existant singula videlicet eorum cum omnibus iuribus et pertinenciis suis singulis personis ydoneis quas ad hoc duxeris eligendas et de illis providendi inducendi per te vel alium seu alias personas predictas vel procuratores suos eorum nomine in ipsorum benefitiorum sibi taliter collatorum ac iurium et pertinenciis predictorum corporalem possessionem ac inductas defendendi amotis quibuslibet detentoribus abeisdem et ad dicta beneficia in ecclesiis in quibus forsam fuerint eas faciendi ut est moris admitti et recipi sibique de ipsorum fructibus redditibus proventibus iuribus et obventionibus universis integre respondere contradictores auctoritate nostra appelatione posponita compescendo. Non obstantibus quibuscumque statutis et consuetudinibus ipsarum ecclesiarum in quibus huiusmodi beneficia forsam fuerint et contrariis juramento confirmatione apostolica vel quacumque firmitate alia roboratis. Aut si alia super prouisionibus sibi faciendis de huius beneficiis ecclesiasticis in illis partibus generalis vel speciales dicte sedis vel legatorum eius litteras impetrarint etiam si per eas ad inhibitionem reservationem et decretum vel aliter quomodolibet sit processum quibus om[n]ibus personas easdem in assecutionem benefitiorum huismodi volumus antefferri sed nullum per hoc eis quo ad assecutionem benefitiorum aliorum prejudicium generari seu si locorum ordinariis et dilectis filiis capitulis dictarum ecclesiarum vel quibusvis aliis communiter vel divisum abeadem sit sede indultum quod ad receptionem vel provisionem alicuius minime teneantur et ad id compelli aut quod interdici suspendi vel excommunicari non possint quodque de huismodi vel aliis beneficiis ecclesiasticis ad eorum collationem provisionem presentationem seu quamvis aliam dispositionem conjunctim vel separatim spectantibus nulli valeat provideri per litteras apostolicas non facientes plenam et expressam ad de verbo ad verbum de indulto huiusmodi mentionem et qualibet alia dicte sedis indulgentia generali vel speciali cuiuscumque tenoris existat per quam presentibus non expressam vel totaliter non insertam effectus earum impediri valeat quamlibet vel differri et de qua cuiusque toto tenore habenda sit in nostris litteris mentio specialis aut si persone ipse presentis non fuerit ad prestandum de observandis statutis et consuetudinibus ipsarum ecclesiarum solitum juramentum dummodo in ipsarum absentia per procuratores ydoneos et cum ad ecclesias ipsas accesserant corporaliter illud prestent ac etiam cum personis huiusmodi benefitia occupantibus et earum singulis huiusmodi benefitiorum per eas occupatorum perceptis fructibus et proventibus concordandi et componendi plenam et liberam concedimus tenore presentium facultatem. Volumus autem quod de nominibus benefitiorum huiusmodi et personarum quarumlibet quibus ea parte conferri et cum quibus te de fructibus male perceptis concordare continget ac de die collationis huiusmodi cameram cameram (sic) nostram certificare procurens. Datum Roma apud Sanctum Petrum VIII idus Februarii pontificatus nostri anno tercio.
Volens tecum secundum formam dictarum litterarum procedere dicte ecclesiam Sancti Michaelis de Papizeos sit vacante et ob predictam cameram ad Sedi Apostolica devolutam cuius fructus redditus et proventus quadraginta florenorum auri secundum taxationem deciem valorem annum non excedunt auctoritate apostolica nobis in prefatis litteris concessa tibi conferimus et de ea etiam providemus cum omnibus juribus et pertinentis suis inducens te prout induximus in corporalem possessionem ipsius ac jurium et pertinentiis eiusdem per nostrum anulum amoto abea quolibet illicito detentore. Mandamus omnibus et singulis parrochianis portionariis arrendatoribus et collonis dicte ecclesie sub excommunicationis pena quarto de fructibus decimis redditibus et proventibus(3) ecclesie prefate tibi tamquam vero rectori ipsius integre respondeant, contradictores quoslibet et rebelles per censuram ecclesiasticam appelatione postposita compescendo. Non obstant si aliqui super [proui]sionibus sibi faciendis de huiusmodi ecclesia vel aliis beneficiis ecclesiasticis in illis partibus generalis vel speciales dicte sedis vel legatorum eius litteras impetrarint etiam si per eas adinhibitionem reservationem et decretum vel alias quomodolibet sit processum quibus omnibus te prenominatum G. in assecutionem dicte ecclesie Sancti Michaelis de Papizeos(4) volumus anteferri sed nullum per hoc eis quo ad assecutionem benefitorum aliorum preiuditium generari seu si episcopo Visensis vel quibusvis aliis comiter vel divisim abeadi sit sede indultum quod ad receptionem vel provisionem alic[ui]us minime teneantur et ad id compelli aut quod interdici suspendi vel excomunicari non possint quodque de huiusmodi ecclesia vel aliis beneficiis ecclesiasticis ad(5) eorum collacionem provisionem presentationem seu quamvis aliam dispositionem coniunctim vel separatim spectantibus nulli valeat providere per litteras apostolicas non facientes plenam et expressam ac de verbo ad verbum de indulto huiusmodi mentionem et qualibet alia dicte sedis indulgentia generali vel speciali cuiuscunque tenoris existat per quam presentibus non expressam vel totaliter non insertam effectus earum impediri valeat quomodolibet vel diferri et de qua cuiusque toto tenore habenda sit in prefatis litteris apostolicis mentio specialis. In cuius rey testimonium et omnium cretitudinem tuique G. cautelam presentes patentes litteras tibi ex inde fieri fecimus nostri pontificalis sigilli apensione munitas. Datum in civitate Colimbriensis, prima die mensis Augusti, sub anno Domini millesimo CCCmo nonagesimo tercio, pontificatus prefati sanctissimi in Christo Patris et Domini nostri domini Bonifacii divina providentia pape noni, anno quarto.
(Assinatura:) FRANCISCUS PUTEOLANUS
(Tem selo pendente)

(1) Segue uma palavra rasurada com um risco por cima da rasura.
(2) Seguem-se letras riscadas e sopontadas.
(3) Segue-se riscado “dicte”.
(4) Segue-se riscado “in ass”.
(5) O “d”, feito de forma atípica, resulta da correção de um “h”.