Procuração feita por Vasco Pereia, protonotário apostólico e estudante em Siena, a Martinho Eanes, reitor da igreja de S. Pedro de França

Transcrição

In nomine Domini amen. Anno ab eiusdem salutifica Incarnatione millesimo quadringentesimo quadragesimo quarto, indictione oitavia (sic), juxta consuctum ritum notaciorum generis suis, tempore pontificatus sanctissimi in Christo patris et Domini domini Eugenii pape quarti, die vero vigesima mensis Octobris. Pateat omnibus evidenter quod reverendissimum pater domnus Valascus Pereire Portugallensis protonotarius appostolicus commorans ad presens ac studens in civitate Senarum omni modo via jure causa et forma quibus magis melius et efficacius fieri potuit de suerum (sic) et secundum formam sacrorum canonum ac etiam stili moris vel consuetudinis romane curie fecit constituit et ordinavit venerabilem virum domnum Martinum Johannis Portugallensem rectorem ecclesie Sancti Petri de Francia nunc in romana curia existem absentem sed tamquam presentem suum verum et legitimum procuratorem actorem factorem ac certum et specialem nuncium nominatim specialiter et expresse ad componendum conveniendum pacificandum et vel transigendum de et super quodam canonicatu Lisbonensi et eius prebenda de quo hactenus fuit sive etiam est litigium causa vel differencia inter ipsum domnum Valascum et Petrum Gometium cappellanum domni regentis Portugaliam quod Petrus(1) similiter in presentiarum in curia romana se reperit super quo litigio causa vel discordia aut differentia et generaliter super tota mandata seu toto negotio dictus canonicatos et prebende possit et plenam habeat facultatem disponendi componendi paciscendi nec transigendi prout et sicut ipsi procuratori vel nuncio videbere et placebit et in ipso negotio toto et circa illud tam cum facere existere et disponere possit quantum ipse met constituens facere et disponere potuit et tunc etiam posset si personalem interessem. Damus et concedemus dicto eius procuratori in omnibus predictis et circa ea plenum liberum generale ac speciale mandatum cum plena libera generali et speciali administracione ita et talem ut quod per eum fiet valeat et teneat ac super eundem constuentem perficeretur omni objectione contradictione et oppositione cessante et volens prelibatus constituens ea que per dictum eius procuratorem in predictis et circa predicta exercebuntur et fiant plenam habere roboris firmitatem promisit mihi notario infrascripto tamquam publice persone recipienti et stipulanti pro omnibus et singulis quorum intererit aut interesse poterit quoquo modo habere et tenere per perpetuo firmum ratum et gratum totum et quicquid per ipsum domnum Martinum tam cum dicto Petro quam etiam cum quacumque alia persona factum seu gestum aut compositum fuerit(2) aliquo modo secundum obligatione et ypotheca omnium bonorum suorum tam presentium quam futurorum. Rogatus me notarium infrascriptum quatenus de predictis publicum conficiam documentum.
Acta Senam in domo Venturinorum in habitationis prefati domni Valaschi sita in Terceiro Kamillit et populo Sancti Andree coram Venturino Dominici de Venturinem et Laurentio Andree basticerio de Senam testibus adhibitis presentibus et rogatis.
(Sinal do notário) Ego Johannes olim Nicolai Guidonis de Senam(4) publicus imperiali autoritate notarius et judex ordinarius predictis interfui ea propria manu scripsi et publicavi.

(1) Segue-se riscado: “se”.
(2) Segue-se riscado “quo”.
(3) Segue-se riscado um “d”.